فی الباب خانه تکانی...

 

یاواش یاواش بایرام آیی یئتیشیر، بو آیین اصیل رسم‌لرین دن بیری ده ائو تؤهماخ برنامه‌سی دی. بیزیم آنالار ایلده نئچه نوبت ائوی تؤکۉب سیل سۉپۉر ائلرلر، آما بو آیین برنامه‌سی لاپ تهلی دیبلی اولار. 
- چتینی بودی کی ائوده هاممی دان اوجا بوی سن اولاسان! دا ایشین یاشدی: بالام سنین بویون اوجادی گل شۉشه‌لرین اۉست‌لرین سیل، سنین بویووا قوربان گل پرده‌لری آچ، پرده‌لری آس، چیراخ‌لاری سیل، اۉستدن وساییل یئندیر، میندیر ...
- تجرۉبه گؤرسدیب کی ایستیسن بو آی راحات اولاسان، ایکی یولو وار: یا اؤزو ویراجاخسان کارلیغا، ائشیتمه‌مزلیغا، یا دا کی الیندن نه قدر گلسه اؤزو ال ایاخ سیز، لیجیم سیز، شوعورسوز، الیندن قولوندان بئش اون قیرانلیخ ایش گلمیه‌ن آدام گؤرسه‌ده‌جاخسان! چتینی ایکی دانا وساییل سیندیرینجان دی، دا سورا سیزه ایش تاپیشیرمازلار!
- بیزیم آنالار بو سیل سۉپۉر ایشینه چوخ تخصصی باخارلار! هله هله بو ایشده بیر کسه ارخئیین اولمازلار. دئسن «نه‌نه! اؤزو چوخ یوروسان، اولماسا بیر نفر کؤمح دئ گلسین بیر گۉن ایشلرو گؤرسۉن» قبول ائله‌مز! چوخ ایصرار دان سورا قبول ائلر آما نه جۉر؟ بیر گۉن ایش گؤرن گلمه‌میش‌دن قاباخ تۉشر ائوین جانینا هر یئره تمیزلر کی: «ائوه اؤزگه آدام گله‌جاخ پیس ایشدی دئیه‌ر گؤر بو آرواد نه پینتی دی!». سورا دا ایش گؤرنی‌نن بیرلیخدا تۉشر ائوین جانینا کی «پیس ایشدی او ایشلیه ایشلیه من اوتوروب باخانمارام». گئجه‌سی ده قول قیچ سانجیسی چکه چکه دییه‌ر: «بیزه خانیم‌لیخ یاراشماز کی!»
- بو گۉنلرین بیر سورپریز برنامه‌سی ده وار! ائشیهدن یئتیشرسن ائوه گؤررسن آنان الینده بیر دستمالینان اویان بویانی سیلیر، آما دستمال نم نیه بتر تانیش گلیر. بیراز دیقت‌لی باخارسان گؤررسن پهوووو! سنین لاپ چوخ به‌یه‌ندیغین کؤینح دی! «نه‌نه به بونو نیه دستمال ائله‌میسن آخ؟!» جواب ائشیدرسن: «دا گییمیردین کی!»
- بو آی بو سؤز چوخ ائشیدیلر: «گه باخ گؤر بولار کاریوا گلمیه‌جاخ (یا دردیوه دَیمیه‌جاخ) آتیم گئتسین»
- آللاه تمام آنالاری ساغ سلامت ساخلاسین، بیزلر بو آیی فیریلداخ وئریب ائو ایشین‌دن قاچماغا فیکیر وئرنده، اولاردا مین بیر ایشی بیر یئرده گؤرۉب بیزی لاپ شرمنده ائلرلر. بیر آی چالیشماغین و سیل سۉپۉرون اختتامیه‌سی ده بو سؤز اولار: «هــــه! ائو ایشیخلاندی با»

/ 7 نظر / 33 بازدید
مونوبلاگ

قوي ترين سيستم وبلاگدهي رايگان ايراني راه اندازي شد!! با ساخت وبلاگ در سيستم مونوبلاگ به صورت رايگان در صفحه اول گوگل قرار خواهيد گرفت و بازديد فوق العاده بالايي خواهيد داشت.... همين حالا به جمع مونوبلاگي ها بپيونديد براي ثبت وبلاگ به آدرس زير مراجعه کنيد www.monoblog.ir

انسان

سلاااااااااااام بر شادی جون...ان شاءالله..سال 94سالی با برکت از هر نظر...ایمان ...شادی...سلامتی...وغیره...برای شما وخانواده تان باشد[فرشته][قلب][گل]

انسان

[نیشخند]منم نفهمیدم این پست را چی نوشتی[نیشخند]

تبریز ویکی لینک - tabrizlinks

یاشا چوخ گوزل یازیبسوز... ایوای بو ائو توحماخ آدامین ددسین یاندیریر!!! خخخخ گئله قلبیمیز و روحومزودا توکاخ بیر سری...! [چشمک]

khodai

http://harkat.com/view/61c11832-5ebc-4da1-8048-39d11e2603a8

رعنا

اووزون گولسون شادی [خنده]